KONSERT: Setesdal møter Irland

Beskrivelse

Velkomen til konsert i Fjellgardane kyrkje med eit unikt norsk-irsk musikksamarbeid!

Denne hausten møtest tradisjonar frå Setesdal og Irland i ei heilt spesiell konsertoppleving saman med The Cedar Dobson Band frå Irland.

Mor og son, Inger Lise Stulien og Endre Stulien Robstad, står på scena saman med dei irske musikarane Cedar Dobson (fløyter, vokal og perkusjon), Lúan De Burca (bouzouki og vokal) og Gabriel Gonzalez (gitar, mandolin og vokal).

Saman skapar dei eit musikalsk møte der tradisjonell folkemusikk får leve side om side med nye lydlandskap, sterke melodiar og improvisasjon. Publikum kan sjå fram til ei stemningsfull reise mellom Setesdal og Irland, med både energifylte låtar, vakre balladar og historier som bind menneske og kulturar saman.

Konserten løftar fram røter, identitet og musikalske møte på tvers av generasjonar og landegrenser. The Cedar Dobson Band er kjent for sitt kraftfulle og nyskapande uttrykk, medan Inger Lise og Endre formidlar den rike kulturarven frå Setesdal, og gamle folketoner, med varme, nærleik og speleglede.

Velkomen til ei konsertoppleving som rører, inspirerer og byggjer bru mellom kulturar gjennom musikken!

Billettar: 200,- kan kjøpast på Hovden grendehus eller på ebillett.no/hovden